.وفاقی دارالحکومت میں میٹروپولیٹن کارپوریشن نظام ختم، ٹاؤن کارپوریشنز قائم کیے جائینگے

صدر مملکت نے اسلام آباد مقامی حکومت تر میمی آرڈننس2026جاری کر دیا

اسلام آباد ( نمائندہ خصوصی) صدر مملکت نے اسلام آباد مقامی حکومت تر میمی آرڈننس2026 جاری کر دیا ، وفاقی دارالحکومت میں میٹروپولیٹن کارپوریشن نظام ختم، ٹاؤن کارپوریشنز قائم کیے جائینگے، اسلام آباد کو قومی اسمبلی کے تین حلقوں کی بنیاد پر تین ٹاؤن کارپوریشنز میں تقسیم کیا جائے گا،ہر ٹاؤن کارپوریشن میں اتنی ہی یونین کونسلز ہوں گی جتنی وفاقی حکومت نوٹیفائی کرے گی،ہر ٹاون کارپوریشن میں ایک مئیر اور دو ڈپٹی مئیر ہوں گے۔وزارت قانون نے اس آرڈی ننس کا گزٹ نوٹیفیکیشن جاری کردیا جس کے مطابق اس کا اطلاق فوری ہوگا،آرڈی ننس میں میٹروپولیٹین کارپوریشن کی جگہ ٹاون کارپوریشن یا ٹائون کارپوریشنز کاتصور دیاگیا ،سر براہ کا مطلب ٹائون کاروپوریشن کا مئیر یا یونین کونسل کا چئیرمین ہو گا ،مقامی حکومت کا مطلب یونین کونسل اور ٹائون کارپوریشن ہو گا ،حکومت عوامی اعتراضات اور سفارشات کے بعد ٹائون کارپوریشن اور یونین کونسل کی حدود میں ترمیم کرے گی۔حکومت ٹائون کاروپوریشن یا یونین کونسل کی حدود میں ترمیم کرے گی لیکن الیکشن شیڈول کے اعلان کے بعد کوئی تر میم نہیں ہوگی، حکومت وزارت داخلہ کی سفارش پر ٹاون کارپوریشن کے اندر یونین کونسلز کی تعداد میں آضافہ یا کمی کر سکتی ہے،الیکشن کمیشن یونین کونسلز کی حلقہ بندی کرے گا،ہر ٹائون کارپوریشن میں ایک مئیر اور دو ڈپٹی مئیر ہوں گے،ہر ٹائون کارپوریشن میں یونین کونسل کے چئیرمین بطور جنرل ممبران ہوں گے،ہر ٹائون کارپوریشن میں چار خواتین، ایک کسان یا ورکز ، ایک تاجر یا بزنس مین ہو گا،ہر ٹائون کارپوریشن میں ایک نوجوان رکن اور ایک غیر مسلم ہو گا۔یونین کونسل کے جنرل ممبر کا انتخاب خفیہ رائے شماری کےذریعے ہو گا۔یونین کونسل کے جنرل ممبر کے انتخاب کے لئے سارا یونین کونسل ملٹی ممبر وارڈ میں تبدیل کیا جائے گا۔ایک ووٹر ایک جنرل ممبر امیدوار کے لئے ووٹ ڈالے گا۔سب سے زیادہ ووٹ حاصل کرنے والے نو امیدوار جنرل ممبران منتخب ہوں گے۔کامیاب ہونے والے امیدوار تیس دن کے اندر کسی بھی سیاسی جماعت میں شمولیت حاصل کر سکتے ہیں۔جنرل ممبران یونین کونسل کی مخصوص نشستوں پر ممبران ، شو اف ہینڈ کے ذریعے منتخب کریں گے،یونین کونسل کے جنرل ممبران اور مخصوص نشستوں کے ممبران خود میں سے شو اف ہینڈ کےذریعے چئیرمین اور وائس چئیرمین منتخب کریں گے، چئیرمین اور وائس چئیرمین تیس دن کے اندر سیاسی جماعت میں شمولیت حاصل کر سکتا ہے۔یونین کونسل کا چئیرمین ٹاون کارپوریشن کا جنرل ممبر ہو گا جنرل ممبران ٹاون کارپوریشن کے لئے مخصوص نشستوں کے ارکان کا انتخاب شو اف ہینڈ کے ذزریعے کریں گے،ٹائون کارپوریشن کے ممبران اکثریتی ووٹ حاصل کرنے والے کو شو اف ہینڈ کے زریعے مشترکہ مئیر اور ڈپٹی مئیر کا انتخاب کریں گے،ٹاون کارپوریشن کا ممبر ہی مئیر یا ڈپٹی مئیر کا الیکشن لڑ سکے گا جہاں مقامی حکومت فعال نہیں ہوگی وہاں حکومت اینڈمنسٹریٹر تعینات کرے گی ،مقامی حکومت یا ایڈمنسٹریٹر ٹیکس، فیس ، کرایہ ، ٹول ، چارج لگائے گی،ہر ٹیکس تجویز کی پہلے حکومت توثیق کرے گی ۔ ایڈمنسٹریٹر کی ٹیکس تجویز کو حکومت توثیق کے بعد قومی اسمبلی میں منظوری کے لیے پیش کی جائے گی ۔مقامی حکومت یا اینڈمنسٹریٹر ٹیکس میں اضافہ ، کمی کرے گی، یا اسے ختم کرے گی یا استثنی دے گی ۔حکومت مقامی حکومت یا اینڈمنسٹریٹر کو ہدایت دے گی ۔مقامی حکومت یا اینڈمنسٹریٹر پر حکومت کی ہدایات ماننا لازم ہو گا۔