مقامی انتظامیہ کی نااہلی:صاف ستھرا پنجاب پروگرام چشتیاں میں بری طرح فلاپ
چشتیاں (نمائندہ مقامی حکومت) وزیر اعلی پنجاب مریم نواز کا صاف ستھرا پنجاب پروگرام چشتیاں میں بری طرح فلاپ ہو گیا ھے اورعید کے دونوں روز میں گلی محلوں میں کوڑے کرکٹ کے ڈھیر لگ گئے ہیں کی وجہ سے ہر طرف بدبو اور تعفن پھیل گیا ھے۔ ویسٹ منیجمنٹ کمپنی کی جانب سے منظور نظر افراد کو صفائی کا ٹھیکہ دینے سے قبل کم از کم عید کے دنوں میں میونسپل کمیٹی اور اسکا عملہ تقریباً صفائی کے بہترین انتظامات مینج کر لیتے تھے۔
حالیہ دنوں میں وزیر اعلی پنجاب کے صاف ستھرا پروگرام کا افتتاح مقامی ایم این اے احسان الحق باجوہ نے بہت طمطراق سے کیا تھا لیکن ویسٹ مینجمنٹ انتظامیہ کی نااہلی کی وجہ سے عیدالفطر کے موقع پر رہائشی علاقوں میں صفائی کے ناقص انتظامات دیکھنے میں آئے ھیں۔
جہاں ویسٹ منیجمنٹ کمپنی کی نااہلی دیکھنے کو ملتی ھے وہاں شہری بھی لاعلمی کی بنا پر کوڑا کرکٹ کوڑا دان میں پھینکے کی زحمت گوارا نہیں کرتے اور عملہ صفائی بھی کوڑا اٹھانے سے گریزاں نظرا آتا ھے ۔یہ تمام صورتحال مقامی انتظامیہ سے اصلاح احوال کا مطالبہ کرتی ھے۔