عیدالاضحیٰ پر فول پروف سکیورٹی اور ترقیاتی منصوبے جلد مکمل کرنے کی ہدایت، ڈپٹی کمشنر بہاولنگر کا دورہ چشتیاں

چشتیاں: ڈپٹی کمشنربہاولنگرذوالفقاراحمد و ڈی پی او محمد عمران نے کہا ہے کہ عید الاضحی کے موقع پرامن و امان برقرار رکھنے کے لیے تمام ادارے مکمل طور پرمتحرک رہیں گےاورحساس مقامات پر پولیس نفری بڑھا دی گئی ہے اور شہریوں کے جان و مال کے تحفظ کے لیے فول پروف سکیورٹی انتظامات کیے گئے ہیں۔انہوں نے سکیورٹی اورانتظامی امورکا جائزہ لینے کے لیے ڈی سی آفس کے کنٹرول روم کا دورہ کے موقع پر میڈیا کو بتایا کہ عیدالاضحیٰ کے دوران ضلع کے تمام شہروں میں صفائی، سکیورٹی، ٹریفک اوردیگرانتظامات کو مؤثر بنانے کی ہدایات جاری کردی ہیں تاکہ شہریوں کو بہترین سہولیات فراہم کی جا سکیں۔ڈپٹی کمشنر اور ڈی پی او نے کنٹرول روم میں نصب مانیٹرنگ سسٹم، سی سی ٹی وی کیمروں، ایمرجنسی رسپانس اور شکایات کے اندراج کے نظام کا جائزہ لیا۔بعد ازاں ڈپٹی کمشنرذلفقاراحمد نے چشتیاں کے دورہ کے موقع پرمختلف ترقیاتی منصوبوں لاری اڈا، سڑکوں کی تعمیر و مرمت، بازاروں کی بیوٹی فکیشن منصوبہ اور دیگر ترقیاتی منصوبوں کا معائنہ کرکے کاموں کے معیاراوررفتار کا جائزہ لیا۔اس موقع پر متعلقہ افسران کو ہدایت کی کہ تمام ترقیاتی منصوبے مقررہ وقت میں مکمل کیے جائیں اور تعمیراتی کاموں میں معیاری میٹریل کے استعمال کو یقینی بنایا جائے۔جنرل بس اسٹینڈ چشتیاں کے دورہ کے موقع پر ڈپٹی کمشنر نے ہدایت کی کہ لاری اڈہ پر مسافروں کو تمام بنیادی سہولتی فراہم کی جائیں اور عوام کو بہترسفری سہولیات اور جدید انفراسٹرکچر کی فراہمی ضلعی انتظامیہ کی ترجیحات میں شامل ہے۔