چشتیاں: ڈپٹی کمشنر بہاولنگر ذوالفقار احمد و ڈی پی او محمد عمران کامحرم الحرام کے حوالے سے چشتیاں کا دورہ

چشتیاں: ڈپٹی کمشنربہاولنگر ذوالفقاراحمد نے کہا ہے کہ قانون شکنی یا فرقہ واریت پھیلانے والے عناصر کے خلاف سخت ترین قانونی کارروائی عمل میں لائی جائے گی۔انہوں نے ڈی پی او بہاولنگر محمد عمران کے ہمراہ چشتیاں شہر میں محرم الحرام کے دوران سیکیورٹی انتظامات،مجالس و جلوسوں کے روٹس کا جائزہ لینے کے موقع پرسیکیورٹی اور دیگر انتظامات کوفول پروف بنانے کے لیے فیلڈ افسران کو اہم ہدایات جاری کیں اورچشتیاں شہر میں محرم الحرام کے روایتی اور لائسنس یافتہ جلوسوں کے راستوں کا باریک بینی سے معائنہ کیا۔

ڈی پی او محمد عمران نے واضح کیا کہ محرم الحرام کے دوران امن و امان کا قیام اولین ترجیح ہے۔ سیکیورٹی پر کوئی سمجھوتہ نہیں کیا جائے گا۔حساس مقامات اور جلوس کے راستوں پر سی سی ٹی وی کیمروں کی تنصیب اور مانیٹرنگ کو یقینی بنانے کے احکامات دیے۔انہوں نے نے متعلقہ محکموں کو جلوس کے روٹس سے فوری طور پر تجاوزات ختم کرنے اور لٹکتی ہوئی بجلی کی تاروں کو درست کرنے کی ہدایت کی۔روٹس پر صفائی ستھرائی، اسٹریٹ لائٹس کی بحالی اور دیگر ضروری کاموں کو وقت سے پہلے مکمل کرنے کا حکم دیا گیا۔مقامی امن کمیٹی کے عہدیداران اور علما کرام سے قریبی رابطہ رکھنے پر زور دیا گیا تاکہ بھائی چارے کی فضا قائم رہے ۔اس موقع پر ڈی پی او بہاولنگر نے کہا کہ پولیس افسران اور جوان چوبیس گھنٹے الرٹ رہیں گے۔