چشتیاں (نمائندہ مقامی حکومت) ڈپٹی کمشنر بہاولنگر ذوالفقار احمد نے کہا ہے کہ عیدالاضحی کے موقع پر شہریوں کو تمام ممکن سہولیات فراہم کی جائیں اور منڈی میں پلاسٹک اور دیگر فضلہ جات کی روک تھام یقینی بنائی جائے جبکہ حکومت پنجاب کی ہدایات کے مطابق مویشی منڈیوں کے انتظامات کو شفاف اور مؤثر بنایا جائے گا تاکہ شہری بلا خوف و خطر خریداری کر سکیں۔انہوں نے اپنے دفتر میں خصوصی اجلاس کے دوران ضلعی و تحصیل افسران سے مزید کہا کہ عوام کو ہر ممکن سہولت فراہم کی جائے اور تمام محکمے مربوط انداز میں کام کریں تاکہ عیدالاضحیٰ کے موقع پر کسی بھی قسم کی شکایت پیدا نہ ہو۔ڈپٹی کمشنر نے مویشی منڈی کا دورہ کیا۔ اس موقع پر انہوں نے مویشی منڈی میں صفائی، سیکیورٹی، جانوروں کی ویٹنگ، اور شہری سہولیات سمیت دیگر انتظامات کا تفصیلی جائزہ لیا۔ڈپٹی کمشنر نے اجلاس سے خطاب کرتے ہوئے کہا کہ عوام کو معیاری صحت سہولیات کی فراہمی حکومت کی اولین ترجیح ہے، اور تمام ادارے باہمی تعاون سے عوامی فلاح و بہبود کے لیے کام کریں۔اجلاس میں صحت عامہ کی بہتری، جیلوں میں قیدیوں کو فراہم کی جانے والی طبی سہولیات، اور اضلاع میں صحت کے شعبے سے متعلق جاری منصوبوں کا تفصیلی جائزہ لیا گیا۔ افسران نے اپنی اپنی کارکردگی سے متعلق بریفنگ دی اور مستقبل کے لائحہ عمل پر مشاورت کی گئی۔عالمی یوم ماحولیات کے موقع پر وائڈ لائف پارک میں خصوصی تقریب کا انعقاد کیا گیا جس کا موضوع ”زیرو پلاسٹک، زیرو آلودگی” تھا۔ تقریب میں ڈپٹی کمشنر نے کہا کہ عوام اپنے روزمرہ کے معمولات میں پلاسٹک کا استعمال کم کر کے ماحول کے تحفظ میں اپنا کردار ادا کریں.