لاہور(نمائندہ مقامی حکومت)وزیر اعلی پنجاب سردار عثمان بزدار کی زیر صدارت پنجاب کابینہ کا 49 واں اجلاس منعقد ہوا جس میں متعدد اہم قوانین کی منظوری دی گئی۔کابینہ نے اتفاق رائے سے پنجاب لوکل گورنمنٹ ایکٹ 2021 کے مسودہ قانون کی منظوری دے دی.غیرمنقولہ پبلک پراپرٹیز (تجاوزات کا خاتمہ) آرڈیننس 2021 کی اصولی منظوری.سرکاری اراضی پر تجاوزات کے خاتمے کے ساتھ قبضہ مافیا سے تاوان بھی وصول کیا جا سکے گا.سرکاری راضی پر قابضین کو مارکیٹ ریٹ کے مطابق روزانہ کی بنیاد پر تاوان دینا ہو گا.نئے انتظامی یونٹس کی تشکیل کے لئے لینڈ ریونیو ایکٹ میں ترمیم کا معاملہ کابینہ سٹینڈ نگ کمیٹی برائے قانونی امور کے سپرد.پنجاب کابینہ کا تاجر برادری کو ریلیف کے حوالے سے اہم اقدام.کابینہ نے کمرشل پراپرٹی ٹیکس میں کئے گئے اضافے کے فیصلے کوکالعدم قرار دے دیاکمرشل پراپرٹی ٹیکس جمع کرانے والوں کو آئندہ ٹیکس فیس میں ایڈجسٹ کیا جائے گاکابینہ نے سکولز ایجوکیشن کی خالی آسامیوں پر فوری بھرتی کی منطوری دے دی.محکمہ سکولز ایجوکیشن کو بھرتی کے لئے قواعد و ضوابط کے تحت مزید کارروائی کی ہدایت کی. کابینہ نے پنجاب میں مزید 6 سیمنٹ پلانٹ کے قیام کی باضابطہ منظوری دے دی ان سیمنٹ پلانٹ کے قیام سے ہزاروں افراد کو روز گار ملے گا.الیکٹرک گاڑیوں کی رجسٹریشن کے لئے پراونشل موٹروہیکلز آرڈیننس 1965ء میں ترمیم کی منظوری. کابینہ نے محکمہ ایکسائز اور این آر ٹی سی کے درمیان گاڑیوں میں ریڈیو فریکوینسی ایڈنٹی فیکیشن ڈیوائس (وہیکلز پاسپورٹ) لگانے کے حوالے سے معاہدہ کرنے کی اصولی منظوری دے دی.معاہدے کی تفصیلات طے کرنے کیلئے وزارتی کمیٹی تشکیل دینے کی ہدایت.پنجاب انٹرمیڈیٹ سٹیز امپروومنٹ انویسٹمنٹ پروگرام فیز 1 کے تحت ساہیوال اور سیالکوٹ کے متاثرہ افراد کوسوشل سیف گارڈ پالیسی کے تحت 85 ملین روپے معاوضہ دینے کی منظوری. محکمہ آبپاشی کے 5 ارب روپے سے زائد کے منصوبوں کیلئے خریداری اور مالیاتی مینجمنٹ کے انتظامات میں بہتری لانے کے اقدامات کی منظوری.مشترکہ مفادات کونسل کے فیصلے کی روشنی میں واپڈا کی جانب سے چشمہ رائٹ بینک کینال کے زیریں حصے کا کنٹرول پنجاب کے حوالے کرنے کے معاہدے کے مسودے اور ذیلی امور کی منظوری.چشمہ رائٹ بینک کینال کے زیریں حصے کی تعمیر و مرمت اور دیکھ بھال محکمہ آبپاشی پنجاب کی ذمہ داری ہو گی.تحصیل نور پور میں شدید بارشوں اور ژالہ باری سے 2020 میں ربیع کی فصل کو پہنچنے والے نقصان کے ازالے کیلئے امدادی پیکیج کی منظوری.پنجاب ہائر ایجوکیشن کمیشن کے چیف آپریٹنگ آفیسر کے عہدے کے لئے قواعد و ضبوابط کی منظوری.گزشتہ 2 برس کے دوران بنائی گئی پولیس چوکیوں، پولیس سٹیشنوں اور پولیس سرکلزکی ایکس پوسٹ فیکٹو منظوری.اپوائنٹمنٹ اینڈ کنڈیشنز آف سروسز رولز 2013ء کے تحت سب انسپکٹر اور انسپکٹر کے شیڈول میں ترمیم کی منظوری.ٹیکنیکل کیڈر، سپیشل برانچ پنجاب کی پوسٹوں کے بارے میں سروس رولز میں ترمیم کی منظوری.ڈیرہ غازی خان کے علاقے کوہ سلیمان میں بارڈر ملٹری پولیس سٹیشن ساکڑ (Saakar) کے قیام کی منظوری.پنجاب آب پاک اتھارٹی کے چیئرمین اور چیف ایگزیکٹو آفیسر کی تقرریوں کے لئے قواعد و ضوابط کی منظوری.پنجاب ڈویلپمنٹ آف سٹیز ایکٹ 1976 کے تحت پنجاب ڈویلپمنٹ اتھارٹیز پرائیویٹ ہاؤسنگ سکیم رولز 2021 کی منظوری.ایل ڈی اے کے رولز پنجاب کی تمام ڈویلپمنٹ اتھارٹیز میں لاگو ہوں گے.سرگودھا میڈیکل کالج اور میڈیکل کالج گجرات کو سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ کو منتقل کرنے کی منظوری.ضلع ڈیرہ غازی خان میں ایجوکیٹرز کی 1142 (مرد و خواتین) خالی آسامیوں پر بھرتی کی منظوری دی.محتسب پنجاب نبیلہ خان کیلئے نظرثانی شدہ قواعد و ضوابط کی منظوری.پنجاب کابینہ کے 48 ویں اجلاس کے فیصلوں کی توثیق کی گئی.کابینہ سٹینڈنگ کمیٹی برائے فنانس اینڈ ڈویلپمنٹ کے 63 ویں اجلاس کے فیصلوں کی توثیق کی گئی.کابینہ سٹینڈنگ کمیٹی برائے قانونی امور کے 70 ویں، 71 ویں، 72 ویں، 73 ویں اور 74 ویں اجلاسوں کے فیصلوں کی توثیق کی گئی.صوبائی وزراء، مشیران، معاونین خصو صی، چیف سیکرٹری اور اعلیٰ حکام نے اجلاس میں شرکت کی۔