کراچی میں پولیس مقابلے کے دوران تین ڈاکو ہلاک
کراچی: نیپئر تھانے کی حدود میں شہریوں سے لوٹ مار کرنے والے تین ڈاکو پولیس مقابلے میں مارے گئے۔
ڈی آئی جی سائوتھ اسد رضا کے مطابق نیپیئر پولیس نے مقابلے میں تین ڈاکو مارے ہیں جبکہ راہگیر بھی فائرنگ سے زخمی ہوگیا۔
اس حوالے سےایس ایس ایس پی سٹی امجد حیات نے بتایا کہ موٹرسائیکل پر سوار ملزمان عید گاہ چوک پر لوٹ مارکرکے فرار ہورہے تھے کہ پولیس موقع پر پہنچ گئی جہاں انھوں نے پولیس پر فائرنگ کردی، جس پر پولیس کی جوابی فائرنگ سے تین ڈاکو موقع پر ہی ہلاک ہوگئے جبکہ فائرنگ کی زد میں آکر ایک راہگیر زخمی ہوگیا۔
انہوں نے بتایاکہ ملزمان شہریوں سے لوٹ مار کررہے تھے تاہم پولیس نے ہلاک اور زخمی کو سول اسپتال منتقل کیا، ہلاک ڈاکووں کے قبضے سے اسلحہ ، نقدی ، موبائل فونز اور موٹرسائیکل برآمدکرلی گئی ہے۔