سول ایوی ایشن اتھارٹی(CAA) نے حکومت پاکستان کی ہدایت پرپاکستان میں اندرون ملک ہوائی سفر کرنے والے تمام مسافروں کے ٹکٹس پر شناختی کارڈ نمبر کا اندراج لازمی قرار دے دیا ہے۔

اسلام آباد(نمائندہ مقامی حکومت) سی اے اے کے جاری کردہ نوٹیفکیشن کے مطابق 18 سال سے کم عمر مسافر اس پابندی سے مستثنیٰ ہوں گے نوٹیفیکیشن میں سی اے اے نے پاکستان کی ایئرلائنز کو اندرون ملک سفر کیلئے ٹکٹوں پر مسافروں کا شناختی کارڈ لازمی درج کرنے کی ہدایت کردی ہے۔ترجمان سی اے اے کے مطابق تمام ایئرلائنز کو یقینی بنانا ہوگا کہ ان کے دفاتر براہ راست ٹکٹ فروخت کرتے وقت یا ان لائن ٹکٹ بکنگ اور فروخت کے وقت یا ٹریول ایجنسیاں ٹکٹ بک یا فروخت کرتے وقت مسافروں سے ان کا شناختی کارڈ نمبر حاصل کرنے اور ہر ٹکٹ پر درج کرنے کی پابند ہوں گی۔حکومت پاکستان کے احکامات کی روشنی میں یہ ہدایات فوری طور پر نافذ العمل کی گئی ہیں، جس کے لئے تمام ایئرلائنزاپنے اپنے آن لائن ٹکٹ کے اجراء کے سسٹم سے فوری تبدیلی کر رہی ہیں۔حکومت پاکستان کے اس اقدام سے ہوائی سفر کرنے والے شہریوں کی آمدنی اور اخراجات کے گوشوارے کے حوالے سے تفصیلات مرتب کی جا سکیں گی