چشتیاں(نمائندہ مقامی حکومت) دانش گرلز سکول چشتیان کی ذہین طالبہ ہانیہ خالد نے میٹرک 2022 لاہور بورڈ کے سالانہ امتحانات میں 1100/1091نمبر حاصل کر کے پنجاب بھر کے 16دانش سکو لوں میں پہلی پوزیشن حاصل کی ہے جبکہ دانش سکول گرلز چشتیاں کی 45 طالبات نے 1000سے زائد نمبر حا صل کئے اور 67 طالبات نے اے پلس گریڈ حاصل کیے۔ دانش سکول گرلز چشیتاں کی پرنسپل محترمہ راشدہ عزیز صاحبہ نے میڈیا کو بتا یا کہ دانش سکول گرلز چشتیاں کی طالبات کے روشن مستقبل کیلئے نصابی سرگرمیوں کے ساتھ ساتھ ہم نصابی سرگرمیوں میں بھی اہم کردار ادا کرتے ہوئے کامیابیاں سمیٹ رہا ہے ۔ انہوں نے بتا یا کہ میٹرک کے سالانہ امتحان میں پنجاب بھر کے دانش گرلز /بوائز سکولوں کے 1504 طلبا و طالبات نے شرکت کی تھی ۔ چشتیاں کی طالبات ہانیہ خالد 1100/1091، عمارہ احمر 1100/1081، ساجدہ غلام فرید اور فضہ فاطمہ 1100/1077 نمبر حاصل کئے ہیں۔